“Daşınar əmlak” və “Daşınmaz əmlak” anlayışlarının fərqləndirilməsi zərurudir. “Daşınmaz əmlak” anlayışı daşınmaz əmlaka mülkiyyətlə bağlı bütün hüquqları, maraqları və səmərələri əhatə edir. Daşınmaz əmlak fiziki aktivdən fərqli hüquqi anlayışdır.

      Daşınmaz əmlak torpaq sahəsini və onun təbii hissələri olan əşyaları – məsələn, ağacları və faydalı qazıntıları, eləcə də ona insanlar tərəfindən birləşdirilən əşyaları – məsələn, binaları və ərazinin yaxşılaşdırmalarını özündə birləşdirir. Binalara su təchizatı, istilik, enerji ötürülməsi sistemləri eləcə də liftlər kimi yanaşı obyektlər kimi birləşdirilən bütün uzunmüddətli sistemlər daşınmaz əmlakın hissələridir. Daşınmaz əmlak bütün yeraltı və yerüstü birləşmələri əhatə edir.